టైటిల్: మొబైల్ బ్యాటరీ త్వరగా అయిపోతోందా? మీ ఫోన్ చార్జింగ్ రోజంతా రావాలంటే ఈ టిప్స్ పాటించండి!

పరిచయం 

 ఈరోజుల్లో స్మార్ట్‌ఫోన్ అనేది మన ఇంట్లో మనలో ఒక భాగం అయిపోయింది. పొద్దున లేచిన దగ్గరి నుండి రాత్రి పడుకునే వరకు ఏదో ఒక అవసరం కోసం ఫోన్ వాడుతూనే ఉంటాం. అయితే, ఫోన్ ఎంత ఖరీదైనదైనా, అందులో ఎన్ని ఫీచర్లు ఉన్నా.. బ్యాటరీ గనుక సహకరించకపోతే ఆ ఫోన్ డబ్బా ముక్కతో సమానం. చాలా మంది ఫోన్ కొన్న కొత్తలో బ్యాటరీ బాగానే వస్తుంది కానీ, ఒక ఆరు నెలలు గడిచేసరికి చార్జింగ్ త్వరగా అయిపోతుందని బాధపడుతుంటారు. అసలు బ్యాటరీ ఎందుకు త్వరగా అయిపోతుంది? మనం చేసే తప్పులేంటి? బ్యాటరీ లైఫ్ పెంచుకోవడానికి ఉన్న రహస్యాలేంటో ఇప్పుడు చూద్దాం.

డిస్‌ప్లే సెట్టింగ్స్‌లో మార్పులు చేయండి:

మొబైల్ బ్యాటరీ సెట్టింగ్స్ ఉదాహరణ

మన ఫోన్‌లో బ్యాటరీని అత్యధికంగా ఖర్చు చేసేది డిస్‌ప్లే (స్క్రీన్). స్క్రీన్ ఎంత ఎక్కువ వెలుతురుతో ఉంటే, బ్యాటరీ అంత త్వరగా ఖాళీ అవుతుంది.

* బ్రైట్‌నెస్: మనలో చాలా మంది 'ఆటో బ్రైట్‌నెస్' ఆప్షన్ వాడుతుంటారు. ఇది ఎప్పుడూ సెన్సార్లను వాడుతూ ఉంటుంది, దానికంటే మనకు కావాల్సినంత తక్కువ బ్రైట్‌నెస్‌ని మేన్యువల్‌గా సెట్ చేసుకోవడం ఉత్తమం.

* డార్క్ మోడ్: మీకు అమోలెడ్ (AMOLED) స్క్రీన్ ఉన్న ఫోన్ ఉంటే, కచ్చితంగా 'డార్క్ మోడ్' వాడండి. దీనివల్ల స్క్రీన్‌పై నలుపు రంగు ఉన్న చోట పిక్సెల్స్ అసలు వెలగవు, దీనితో బ్యాటరీ చాలా ఆదా అవుతుంది.
* స్క్రీన్ టైమ్ అవుట్: ఫోన్ పక్కన పెట్టినప్పుడు స్క్రీన్ ఆరిపోవడానికి పట్టే సమయాన్ని 15 లేదా 30 సెకన్లకు తగ్గించండి.

చార్జింగ్ చేసే పద్ధతి మార్చుకోవాలి:

చాలా మందికి తెలియని విషయం ఏమిటంటే, బ్యాటరీని 100 శాతం వరకు చార్జ్ చేయడం వల్ల దాని లైఫ్ తగ్గుతుంది. లిథియం అయాన్ బ్యాటరీలకు 20-80 రూల్ చాలా ముఖ్యం. అంటే బ్యాటరీ 20 శాతం కంటే తగ్గకుండా, 80 శాతం కంటే పెరగకుండా చూసుకుంటే బ్యాటరీ లైఫ్ రెట్టింపు అవుతుంది. రాత్రంతా చార్జింగ్ పెట్టి వదిలేయడం వల్ల ఫోన్ హీట్ ఎక్కి బ్యాటరీ కెపాసిటీ దెబ్బతింటుంది. అలాగే, ఏ చార్జర్ దొరికితే దాంతో కాకుండా, కంపెనీ ఇచ్చిన ఒరిజినల్ చార్జర్ మాత్రమే వాడాలి. మిత్రులారా మీరు ఈ బ్రాండ్ మొబైల్ వాడుతున్నారో నాకూ చెప్పండి.

బ్యాక్‌గ్రౌండ్ యాప్స్ మరియు నోటిఫికేషన్లు:

మనం ఒక యాప్ వాడి క్లోజ్ చేసినా, అది ఫోన్ వెనుక రన్ అవుతూనే ఉంటుంది. ముఖ్యంగా ఫేస్‌బుక్, ఇన్‌స్టాగ్రామ్ వంటి యాప్స్ నిరంతరం డేటాను వాడుకుంటూ బ్యాటరీని ఖాళీ చేస్తాయి. వారానికి ఒకసారి అవసరం లేని యాప్స్‌ని క్లీన్ చేస్తూ ఉండండి. ఇక నోటిఫికేషన్ల విషయానికి వస్తే.. ప్రతి చిన్న యాప్ నుండి వచ్చే నోటిఫికేషన్ వల్ల ఫోన్ వైబ్రేట్ అవ్వడం లేదా స్క్రీన్ వెలగడం జరుగుతుంది. మీకు అవసరం లేని యాప్ నోటిఫికేషన్లను సెట్టింగ్స్‌లోకి వెళ్లి ఆఫ్ చేయండి మీ ఫోన్ కూ బాటరీ కి మంచిది.

Conactvity ఫ్యూచర్ : 

మనం అందరం చేసే ముఖ్యమైనా పొరపాటు మనం వాడకపోయినా బ్లూటూత్, వైఫై, లొకేషన్ (GPS) ఆన్ చేసి ఉంచుతాం. ఇవి నిరంతరం సిగ్నల్స్ కోసం వెతుకుతూ పవర్‌ని తీసుకుంటాయి. ముఖ్యంగా మీరు ప్రయాణాల్లో ఉన్నప్పుడు సిగ్నల్ తక్కువగా ఉన్న చోట ఫోన్ ఎక్కువ పవర్‌ని వాడుకుంటుంది. అటువంటప్పుడు అనవసరమైన ఫీచర్లు ఆఫ్ చేయడం మంచిది. అలాగే, అవసరం లేకపోతే వైబ్రేషన్‌ని కూడా ఆఫ్ చేయండి, ఎందుకంటే రింగ్‌టోన్ కంటే వైబ్రేషన్ మోటార్ ఎక్కువ బ్యాటరీని తీసుకుంటుంది.

వేడి నుండి ఫోన్‌ని కాపాడండి:

బ్యాటరీకి అతిపెద్ద శత్రువు "వేడి". ఫోన్ ఎంత ఎక్కువ హీట్ ఎక్కితే బ్యాటరీ అంత త్వరగా పాడవుతుంది. ఎండలో ఫోన్ వాడటం, చార్జింగ్ పెట్టి గేమ్స్ ఆడటం లేదా హెవీ వీడియోలు చూడటం వంటివి చేయకండి ఒక వేల వాడాలంటే అల్ట్ర గేమ్ మోడ్ ఆన్ చెయ్యండి. ఫోన్ కవర్ గట్టిగా ఉండి లోపల వేడి బయటకు వెళ్లకపోయినా ఇబ్బందే. చార్జింగ్ పెట్టేటప్పుడు వీలైతే ఫోన్ కవర్ తీసేయడం మంచి పద్ధతి.

సాఫ్ట్‌వేర్ అప్‌డేట్స్:

చాలా మంది స్టోరేజ్ అయిపోతుందనో లేక డేటా ఖర్చవుతుందనో సాఫ్ట్‌వేర్ అప్‌డేట్స్ చేయరు. కానీ కంపెనీలు ఇచ్చే ప్రతి అప్‌డేట్‌లో బ్యాటరీ ఆప్టిమైజేషన్ ఉంటుంది. మీ ఫోన్‌ని ఎప్పుడూ లేటెస్ట్ సాఫ్ట్‌వేర్ వర్షన్‌లో ఉంచండి. అలాగే, అప్పుడప్పుడు ఫోన్‌ని 'రీస్టార్ట్' చేస్తూ ఉండండి, దీనివల్ల బ్యాక్‌గ్రౌండ్‌లో ఇరుక్కుపోయిన ప్రాసెస్ క్లియర్ అవుతుంది.

Chivaraga

స్మార్ట్‌ఫోన్ బ్యాటరీ అనేది ఒక ఇంజిన్ లాంటిది. దాన్ని ఎంత జాగ్రత్తగా వాడుకుంటే అంత ఎక్కువ కాలం వస్తుంది. పైన చెప్పిన చిన్న చిన్న జాగ్రత్తలు పాటిస్తే మీ ఫోన్ చార్జింగ్ రోజంతా రావడమే కాకుండా, బ్యాటరీ రెండేళ్ల వరకు కొత్తదానిలా పనిచేస్తుంది. మీరు కూడా మీ ఫోన్ సెట్టింగ్స్‌లో ఈ మార్పులు చేసి చూడండి, తేడా మీకే తెలుస్తుంది. మీకు ఈ సమాచారం నచ్చితే మీ స్నేహితులూ అందరికి షేర్ చేయండి.